Nies cor batta per Trun – per ses impurtonts artists, literats e musicists, mo era per ses unics baghetgs historics.
Nums enconuschents sin palancau naziunal ed internaziunal sco Alois e Zarli Carigiet, Matias e Hendri Spescha ed auters duein sesarver ad in vast publicum denton era entrar en in dialog
cun la reha cultura actuala dalla regiun ed intermediar ella conform al temps.
Per quei intent activescha TRUN CULTURA baghetgs historics da muntada el liug. Tals vegnan surdai sebasond sin lur funcziun al diever public.
Tier TRUN CULTURA saudan CASA CARIGIET, CASA DESAX e SPAZI SPESCHA, ina gronda halla ell'anteriura fabrica da ponn. Tuttas ein contonschiblas a pei dil centrum dil vitg ano. Las casas vegnan renovadas pass per pass e sco liugs da cultura aviartas per la publicitad.